Rita Ora nuk po arrin të takohet me të dashurin e saj Romain Gavras për shkak të pandemisë

Rita Ora dhe i dashuri i saj Romain Gavras nuk po arrijnë ta mbajnë si duhet lidhjen e tyre për shkak të pandemisë së koronavirusit.

Thuhet se çifti nuk i ka punët mirë edhe për shkak të thyerjes së masave anti-COVID nga ana e Ritës në Britani të Madhe.

Ndërkaq tani që Rita ka filluar t’i respektoj masat, mundësitë për tu takuar me të dashurin e saj, xhiruesin francezo-grek të klipeve të shumë këngëtarëve të famshëm botëror, Romain janë edhe më të vogla.

Për lidhjen Rita-Romain ishte përfolur verën e kaluar kur ata të dy ishin kapur nga paparacët duke kaluar pushime verore së bashku, shkruan Daily Mail.

Sipas burimeve të afërta me çiftin Rita është seriozisht e dhënë pas tij dhe se asnjëherë më parë nuk është ndier si me Romain.

Mirëpo distanca është duke pasur efekt të madh tek dy të rinjtë për të cilët është bërë e pamundur të bëhen bashkë sidomos tani që Rita po bëhet gati për të shkuar në Australi për tu bërë pjesë e gjyqtarëve të “The Voice” atje.

Pak ditë më parë u përfol se me të arritur në Australi, këngëtarja nga Kosova do të detyrohet të futet në karantinë për dy javë, ndërkohë që atje nuk do ta shoqëroj i dashuri i saj.