Ronaldo: Jam i dashuruar me futbollin, po e shijoj momentin
Cristiano Ronaldo ka qenë edhe një herë protagonist.
Ylli i Al-Nassr i realizoi mbrëmë dy gola për Portugalinë në fitoren 3:0 ndaj Irlandës, në miqësoren para Euro 2024.
39 vjeçari me këtë rast arriti në kuotën e 130 golave për Portugalinë, derisa është golashënuesi më i mirë në histori të Kombëtareve, shkruan “Gazeta Express”.
Gjithashtu, ai shkoi në shifrën e 895 golave në karrierë, një numër i jashtëzakonshëm dhe i paarritshëm deri tash.
Derisa po i kalon vitet e fundit të karrierës, ish-futbollisti i Sporting Lisbonës, Manchester Unitedit, Real Madridit dhe Juventusit thotë se po e shijon çdo moment.
“Nuk më kanë mbetur shumë vite në futboll. Kështu që, më duhet ta shijoj këtë”, deklaroi fillimisht CR7 pas lojës.
“Jam i dashuruar me futbollin. Çdo ndeshje është speciale, imagjinojeni në Euro 2024 me Portugalinë, ndihem krenar… Është një ëndërr, njëjtë si kur isha 20 vjeçar”, vazhdoi Ronaldo.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]