Ronaldo mesazh rivalëve: Tani fillon Champions-i i vërtetë
Cristiano Ronaldo është duke e mirëpritur ardhjen e “pjesës më të bukur” të Ligës së Kampionëve dhe është i bindur se Juventusi do të jetë gati për raundin me eliminim direkt, pavarësisht humbjes shokuese në fushën e Young Boys.
Kampionët italianë u rrëzuan 2-1 ndaj zviceranëve, por u kualifikuan si fitues të grupit H, para Manchester United. Megjithatë, Ronaldo, i cili festoi tre tituj radhazi të Ligës së Kampioneve, përpara se të largohet nga Real Madridi, ishte optimist pas ndeshjes.
“Tani fillon pjesa e bukur e Ligës së Kampionëve dhe unë jam i bindur se do të jemi gati për të”, tha superstari 33-vjeçar, i cili nuk shënoi dot kundër Young Boys.
“Unë jam i qetë, sepse e di potencialin e këtij ekipi dhe potencialin tim. Mund të kisha shënuar disa gola lehtësisht, por ky është futbolli. Ne vetëm duhet të fillojmë të përqendrohemi në ndeshjen e ardhshme”.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]