Selimi: Nuk ka ftohje të marrëdhënieve me SHBA-në, është retorikë e opozitës
Shefi i Grupit Parlamentar të Lëvizjes Vetëvendosje, Rexhep Selimi ka thënë se nuk ka ftohje të marrëdhënieve me SHBA-në, ndërsa ka shtuar se thashethemet për këtë gjë janë retorikë e opozitës.
“SHBA-ja e do një partner serioz në Kosovë. Asnjëherë nuk do të lejojmë ftohje ndërmjet Kosovës dhe SHBA-së. Kjo as që ka ndodhur, sepse me SHBA-në na lidhin gjëra të tjera jo vetëm taksa. Tek e fundit, SHBA-ja nuk do të rreshtohet në anën e Serbisë, kundër Kosovës”, ka thënë Selimi.
Ai ka shtuar se kryeministri Kurti e ka mbështetjen e plotë të Grupit Parlamentar të Vetëvendosjes, sa i përket zëvendësimit të taksës me masë reciprocitetit, shkruan eo.
Kur ka folur për dallimet që kanë rreth kësaj çështjeje me partnerin e koalicionit, Selimi nuk e përjashtoi mundësinë që LDK-ja të krijojë mospajtime. Ka deklaruar se veprimet e presidentit Thaçi janë të papranueshme.
Ai tha presidenti Thaçi është më i interesuar që të flasë me një zë me presidentin serb Vuçiq, sesa me kryeministrin Kurti.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]