Serbia planifikon “konvoj ndihmash” për veriun

Beogradi planifikon që pas inskenimit të krizës humanitare në veri të nis një “konvoj ndihmash” për veriun e Kosovës.

Burime brenda Qeverisë së Kosovës i kanë thënë RTV Dukagjinit se kanë paralajmëruar se nuk do të lejojnë hyrjen e një konvoji të tillë dhe për këtë janë autorizuar doganierët në pikën kufitare të Jarinjes.

Këto burime për RTV Dukagjini kanë shpjeguar se ndalesa e këtij konvoji pritet të përdoret nga Beogradi për tensionim të mëtutjeshëm të veriut. Për tensionim të mëtutjeshëm janë autorizuar edhe pjesëtarët e të ashtuquajturës “mbrojtja civile” në pjesën veriore të vendit.

Në anën tjetër, kryetarët e komunave veriore, së bashku me afaristë dhe individë të tjerë të rëndësishëm në veri, por edhe të ardhur ekskluzivisht nga Beogradi, do të takohen sonte për të diskutuar detaje të tjera lidhur me “hapin e radhës”.

Këtë skenar e ka konfirmuar në një bisedë për ‘Zyrën e Ankesave’ në RTV Dukagjini edhe kryetari i Mitrovicës së jugut Agim Bahtiri.

Ai ka thënë se konvojet e Beogradit nuk kanë çfarë të kërkojnë në veri pasi që Qeveria e Kosovës ka ndërmarrë masat e duhura.