Shpërthim në një lokal në Tiranë
Një sasi lënde eksplozive i është hedhur derës së një lokali në kryeqytet. Burime nga Policia e Tiranës raportojnë se ngjarja është regjistruar në orët e para të mëngjesit të sotëm në rrugën “Komuna e Parisit”.
Persona ende të paidentifikuar kanë vendosur një sasi të vogël lënde plasëse në derën e lokalit. Si pasojë e kësaj janë shkaktuar dëme materiale. Në vendin e ngjarjes ka shkuar grupi hetimor, i cili po mbledh prova për zbardhjen e motiveve të sulmit.
Mësohet se pjesë e hetimeve do të jetë edhe marrja në pyetje e pronarit të lokalit dhe të afërmeve të tij. Ende nuk dihet motivi i vendosjes së lëndës plasëse dhe policia po heton për konflikte që pronari ka pasur në të kaluarën apo konkurrenca./tch/
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]