Statujat që në vend se t’i bënin krenarë, i bën futbollistët të turpëroheshin

Një statujë është shpesh opsioni i duhur për ata që duan të nderojnë një lojtar ose menaxher të njohur.

Ka pasur një numër statujash të mira ndër vite. Sir Matt Busby dhe Triniteti i Shenjtë në Old Trafford vijnë në mendje, ashtu si skulpturat e yjeve të Arsenalit, Thierry Henry, Dennis Bergkamp dhe Tony Adams.

Megjithatë, numri i monumenteve të tmerrshme të futbollit është shumë më i madh se numri i atyre të mira.

Luis Suarez

Statuja e Luis Suarez i është një statujë gjysmë e mirë, por megjithatë është një paraqitje jo tërheqëse e sulmuesit të Barcelonës.

Alberto Morales Saravia, skulptori i statujës, pranoi se nuk e kishte takuar kurrë Suarezin dhe po punonte nga imazhet e sulmuesit uruguaian që gjeti në internet.

Gareth Bale

Njeriu që bëri statujën famëkeqe të Ronaldos bëri gjithashtu një të Gareth Bale më 2017.

Emanuel Santos bëri një punë po aq të keqe me Bale, i cili duhet të ketë qenë në ankth kur dëgjoi se cili skulptor po projektonte një statujë për të.

Statuja vlen rreth 29 mijë euro dhe peshon 40 kilogramë.

Mohamed Salah

Statuja e Salah u zbulua në Egjipt në vitin 2018, dhe u krahasua menjëherë me Gail Platt, Marv nga Home Alone, madje edhe Beavis dhe Butthead, shkruan Urbannews, transmeton Klankosova.tv.

Alexis Sanchez

Një hero kombëtar, 33-vjeçari është golashënuesi më i mirë i të gjitha kohërave të Kilit me 46 gola.

Ai gjithashtu ka bërë më së shumti paraqitje për vendin e tij. Duke pasur parasysh statusin e tij të kultit, ishte befasi kur statuja ishte subjekt vandalizmi.

Statuja u dëmtua rëndë, me fytyrë të shpërfytyruar. Numri 7 në anën e pasme ishte gjithashtu i gërvishtur.

Cristiano Ronaldo

Pak sportistë meritojnë një statujë më shumë se Cristiano Ronaldo, një futbollist që ka thyer rekorde të shumta në rrugën e tij për t’u bërë një nga më të mëdhenjtë e të gjitha kohërave të lojës.

Në qytetin e tij të lindjes, Madeira, golashënuesi rekord në historinë e Real Madridit, Portugalisë, Ligës së Kampionëve dhe futbollit ndërkombëtar u ‘nderua’ me këtë nderim të çuditshëm.

Kjo ‘pjesë arti’ u zbulua pasi aeroporti i qytetit u riemërua në Aeroportin Ndërkombëtar “Cristiano Ronaldo” më 2017.