Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
Prokuroria Themelore e Prishtinës ka ngritur aktakuzë ndaj të dyshuarit, i cili ditë më parë me forcë e kishte futur në veturën e saj një grua, gjersa ka kanosur edhe një vozitës tjetër.
Rasti kishte ndodhur të mërkurën në Prishtinë, në ora 12:30.
E nga Prokuroria Themelore e Prishtinës bëhet e ditur për Telegrafin se ndaj të dyshuarit është ngritur aktakuzë me propozimin për caktimin e masës së paraburgimit, pranë gjykatës kompetente.
Ai dyshohet për veprat penale “Kanosja”, “Lëndim i lehtë trupor” dhe “Asgjësimi apo dëmtimi i pasurisë”. I njëjti kishte dëmtuar edhe veturat.
Ndërkaq, lidhur me rastin kishte njoftuar edhe Policia e Kosovës.
“Është arrestuar i dyshuari mashkull kosovar, pasi që dyshohet se kishte dëmtuar veturat e ankueses femër kosovare dhe të ankuesit mashkull kosovar, ku më pas ankuesen me forcë e kishte futur në veturën e saj, ndërsa ankuesin e kishte kanosur”, thuhej në raportin policor.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]