Tifozët kuqezi duhet të jenë gati – tifozja bukuroshe kroate, Ivana Knoll do të jetë në ndeshjen Kroaci – Shqipëri

“Tifozja më seksi” e futbollit që mahniti miliona njerëz gjatë Kupës së Botës në Katar 2022, do të rikthehet në tribuna për Euro 2024, pikërisht në ndeshjen Kroaci – Shqipëri.

Ish-miss Kroacia, Ivana Knoll, shkaktoi një furi pasi ndau fotot e saj ndërsa bënte tifo për ekipin e vendit të saj të lindjes.

Pasi tërhoqi vëmendjen e botës së futbollit me veshjet e saj me temën e Kroacisë, modelja 31-vjeçare mori titullin “tifozja më seksi”.

Ajo ka konfirmuar se do të udhëtojë në Euro 2024 për t’u dhënë spektatorëve një tjetër shfaqje, duke e konfirmuar në Instagram.

“Po, do të shkoj në Euro. Shihemi të gjithë në ndeshje”.

Ajo doli edhe për Bild, ku konfirmoi se ka siguruar biletat për tri ndeshjet e Kroacisë në fazën e grupeve edhe atë me Shqipërinë.

“Unë kam bileta për të tre ndeshjet e grupeve të Kroacisë. Dhe nëse ato avancojnë, do të jem edhe atje!”.

Ndeshja mes Kroacisë dhe Shqipërisë zhvillohet në Berlin më 19 qershor, ku edhe tifozët shqiptarë do të kenë mundësi të shohin nga afër Ivana Knollin. /Telegrafi/