Një aksident trafiku ka ndodhur në rrugën “Nënë Tereza” në Fushë Kosovë.
Tre gra kanë pësuar lëndime të cilat kanë qenë në veturën Gold 2, e cila është goditur nga një kampion dhe ka përfunduar duke goditur një veturë të parkuar para një mobilierie, njofton Klan Kosova.
Luljeta Mehmeti nga Policia e Kosovës e ka konfirmuare rastin duke thënë se ekipet e trafikut ndodhen ende në vendin e ngjarjes dhe janë duke u marrë me rastin.
Gratë e lënduara janë dërguar për trajtim në QKUK, mirëpo gjendja e tyre shëndetësore është jashtë rrezikut për jetë.