Tre persona kanë vdekur në Spitalin e Gjilanit, si pasojë e COVID-19 brenda 24 orëve.
Dy nga ta kanë vdekur dje, ndërsa njëri sot në mëngjes.
Kështu tha për Klan Kosova Ukshin Ismajli, drejtor i Spitalit të Gjilanit.
“Fatkeqësisht betejën me COVID-19 gjatë 24 orëve e kanë humbur tre persona. Dy dje dhe një tjetër sot në mëngjes. Janë dy 69-vjeçarë dhe një 62-vjeçar. Dy janë nga Kamenica dhe një nga Vitia”.
Instituti Kombëtar i Shëndetësisë dje ka raportuar 827 raste me koronavirus.
Të hënën u raportua 16 raste të vdekjeve.