Tribunali dhe fotografia e Brovinës përplasin pushtetin me opozitën
Ka vazhduar në Kuvend debati për krijimin e një Tribunalit për krimet e Serbisë në Kosovë.
Kryeparlamentari Kadri Veseli ka vazhduar me insistimin se një institucion i tillë duhet të krijohet dhe ripërsëriti se ajo që ndodhi në Kuvend nga Flora Brovina, me rastin e paraqitjes së fotografisë është gabim i madh.
Ai ka kërkuar përkrahje nga të gjitha partitë për themelimin e këtij Tribunali.
Por, dy partitë opozitare LDK e Vetëvendosjes kanë lëshuar sallën vetëm disa minuta pas nisjes së seancës.
Ata kanë akuzuar partitë në pushtet se vetë kanë vonuar forcimin e sundimit të ligjit dhe krijimin e një institucioni të tillë, e që tashti këtë po e bëjnë nga frika e Gjykatës Speciale.
Përplasje rreth krijimit të Tribunalit pati edhe midis deputetëve që mbeten në sallë, atyre të PDK-ë e PSD-së në opozitë.
Përkrahje për krijimin e Tribunalit, pati nga partitë në pushtet.
Seanca pritet të vazhdojë një ditë tjetër, për të cilën do të vendosë Kryesia e Kuvendit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]