Tronditëse: Vrau vajzën e tij dhe e groposi në oborr, babai shqiptar dënohet me burgim të përjetshëm
Aleko Petro, i cili ekzekutoi dhe më pas fshehu trupin e së bijës Anxhela Petro në 1 janar 2019 është dënuar me burgim të përjetshëm nga gjykata e Igumenicës në Greqi.
Gjykata e shpalli fajtor për vrasje të shkallës së parë dhe e dënoi me burgim të përjetshëm, plus 30 vjet burg dhe 1000 euro gjobë për armëmbajtje pa leje.
Gjykata tha se vlerësimi i dënimit u krye për shkak të qetësisë që ai kreu krimin dhe në vazhdim zhdukjen e trupit.
Krimi ndodhi në 1 janar 2019 dhe tronditi mbarë opinionin publik. Viktima Angjeliki(Anxhela) Petro, ndodhej për vizitë në banesën e të atit në fshatin Alepu në ishullin e Korfuzit.
Ai nuk pranonte lidhjen e vajzës me një emigrant afgan, ndaj edhe u konfliktua me të bijën.
I dashuri i viktimës dhe pagëzuesja e saj, ishin dëshmitarë të akuzës, ndërsa autori nuk kishte askënd që ta mbështeste në gjyq.
Ndërkohë familjarët e tjerë si mamaja dhe motrat e viktimës, nuk mundën të ndodheshin në gjyq, për shkak të mbylljes së kufijve prej covid-19.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]