U mbajt tryeza shkencore “Kontributi dhe roli i Mërgatës Shqiptare” në Suedi
Nën organizimin e Ministrisë së Diasporës dhe Investimeve Strategjike është mbajtur në Malmo të Suedisë tryeza shkencore me temë: “Kontributi dhe roli i Mërgatës Shqiptare”.
Të pranishëm nga MDIS-i ishin Aide Blakaj dhe Vigan Berisha, ku përgëzuan sesionin dhe i uruan punë të mbarë.
Ndërsa Prof.Dr.Muhamet Shatri, njëherë edhe koordinator-ndërlidhës i Qendrës Kulturore të Kosovës në Suedi, shpalosi ekspozenë e vet për organizimin politik të mërgatës shqiptare në Suedi.
Kryetari i veteranëve të UÇK-së për Suedi, veterani Mustafa Bajrami shpalosi një ekspoze të organizimit të ndihmave “ Vendlindja Thërret” dhe pjesëmarrjen e mërgimtarëve shqiptarë në luftën e lavdishme të UÇK-së.
Njejtë u paraqitën edhe ekspoze të ndryshme nga pjesëmarrësit tjerë në tryezë.
Në fund të sesionit u vendos që së shpejti të thirret edhe një tryezë e ngjashme ku do kompletoheshin tema që ndërlidhën me temën bosht dhe të formohej një trup hartues i një monografie për Mërgatën Shqiptare, në Suedi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]