U takua me Thaçin, këshilltari i Merkelit rikthehet në Presidencë
Këshilltari kryesor i kancelares gjermane Angela Merkel, Jan Hecker dhe ai i presidentit francez Emmanuel Macron, Emmanuel Bonne, kanë pasë takime me presidentin kosovar Hashim Thaçi.
Por, pas përfundimit të takimit të përbashkët këshilltari i Merkelit është kthyer në Presidencë, njofton Klan Kosova.
Ai nuk ka treguar arsyen që u kthye te Thaçi, pas doli nga takimi që zgjati pak minuta.
Paraprakisht, Hecker dhe Bonne janë takuar edhe kryeministrin Albin Kurti.
Në ndërkohë, këshilltari i presidentit francez Emmanuel Bonne i është përgjigjur pyetjes së Klan Kosovës se a i kanë sjellë ndonjë ‘mesazh të veçantë’ kryeministrit Albin Kurti.
“Natyrisht se i kemi sjellë mesazh të veçantë, për këtë arsye kemi ardhur të bisedojmë me të”, ka thënë ai shkurt.
Nuk dihet nëse ky mesazh i veçantë ka të bëjë me taksën 100 për qind apo dialogun me Serbinë, por mbetet të shihet nëse do të ketë ndryshime të qëndrimeve të kryeministrit Kurti.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]