Udhëtaren e zë gjumi, zgjohet në avionin bosh të parkuar në aeroport
Në të ftohtë, errësirë dhe pa pasur mundësinë që të komunikojë, kjo është fatkeqësia që i ndodhi një pasagjereje në bordin e një avioni të “Air Canada” në fluturim nga qyteti i Kebekut në Toronto.
Tiffani Adams e kishte zënë gjumi në sediljen e rradhës së fundit dhe kur avioni zbriti, personeli i bordit, për arsye ende për t’u shpjeguar, nuk e vuri aspak re.
Pasi të gjithë pasagjerët dolën, avioni qëndroi i parkuar në aeroportin ndërkombëtar të Torontos, sigurisht me të gjitha pajisjet e fikura.
Gruaja u zgjua me rripin e sigurisë të vendosur, në të ftohtë dhe erësirë.
“Ishte sikur të isha në një ëndërr të keqe”, tha ajo duke shtuar se telefonit të saj i kishte rënë krejtësisht bateria dhe nuk kishte mundësi ta mbushte, për pasojë nuk mund të telefononte asnjë, përcjell Atsh.
Duke kërkuar në kabinën e pilotimit, ajo gjeti një fener dhe kështu filloi të bëjë sinjale nga dritarja.
Për fat të mirë një prej kujdestarëve të bagazheve vuri re dritën e avionit dhe hapi derën.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]