“Urime Kosovë Dita e Kushtetutës”
Kryeministri i Kosovës, Ramush Haradinaj, ka uruar Ditën e Kushtetutës në 11-vjetorin e saj.
Ai ka thënë se përmes këtij akti juridik-politik, para 11 vjetëve u vulos Kosova si shteti i pavarur e sovran. E ka quajtur Kushtetutën kulm të një shtëpie të përbashkët të shqiptarëve dhe komuniteteve tjera.
Qytetarët e Kosovës, kanë shkruar kapitujt e një Kushtetute moderne, me forcën e vullnetit të shprehur lirshëm, me të cilën normojnë të drejtat dhe obligimet në barazi.
Postimi i tij i plotë:
Njëmbëdhjetë vjet më parë, përmes aktit më të lartë juridik-politik, u vulos Kosova si shtet i pavarur e sovran, një demokraci sovrane e shumë-etnike, e re në moshë, liberale në ide dhe Perëndimore në frymën e saj.
Kushtetuta e Kosovës është mburojë e të drejtave dhe lirive të njeriut dhe kulm i një shtëpie të përbashkët, të shqiptarëve dhe komuniteteve joshumicë, mbi parimet e lirisë, demokracisë dhe drejtësisë.
Urime Kosovë Dita e Kushtetutës!
RH
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]