Veliu mobilizon strukturat e LDK-së në Podujevë për fitore në zgjedhjet qendrore
Nënkryetari i LDK-së, njëherësh edhe Ministër i Punëve të Brendshme, Agim Veliu, ka kërkuar shtim të angazhimit nga kryetarët e nëndegëve të Lidhjes Demokratike në Podujevë.
“Në dy takime të ndara, sot takova kryetarët e nëndegëve të LDK-Podujevë, ku kërkova rritje të angazhimit dhe mobilizim për zgjedhjet e jashtëzakonshme parlamentare, në të cilat padyshim do të rikonfirmohemi si forca kryesore politike”, ka shkruar Veliu në ‘Facebook’, përcjell Gazeta Express.
“Do të punojmë bashkë dhe duke i kanalizuar të gjitha kapacitetet tona për ta arritur fitoren e LDK-së dhe të Kosovës”, ka shtuar tutje ai. Gjykata Kushtetuese, me shpalljen e aktvendimit për votën e Etem Arifit si të jashtëligjshme, ka kërkuar që vendi të shkojë në zgjedhje qendrore. Veliu ka shërbyer për një kohë të gjatë si kryetar në Komunën e Podujevës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]