Fjalë Kyçe

Vërshime në Klinë e Istog, dëmtohen bujqit

Vërshime në Klinë e Istog, dëmtohen bujqit

Të mbjella të shkatërruara, shtëpi të vërshuara, janë disa nga dëmet e reshjeve të fundit, raporton T7

Shiu ia dëmtoi dyshemenë e shtëpisë.

Pas reshjeve të mëdha në Zllakuan të Klinës, Pal Mrijajt shiu i hyri në katin e parë të shtëpisë duke i shkaktuar dëme që i konsideron të mëdha.

Pos, dyshemesë së shtëpisë, atij i është prishur edhe vetura.

E një tjetër banor i Zllakuçanit po tenton të rregulloj oborrin pasi shiu i madh ia morri një pjesë të dheut.

Hiç më mirë nuk kanë shpëtuar as të mbjellat në këtë fshat të Klinës.

E drejtori i emergjencave, Iber Elezaj, thotë se janë në ndihmë të qytetarëve.

Nga vërshimet janë prekur edhe fshatrat e Istogut.

Reshjet kanë bërë që të grumbullohet shumë ujë në tokat me grurë e misër.

Muhamet Pukaj, bujk nga fshati Drejë, thotë se të gjithë të mbjellat e tij kanë shkuar dëm nga vërshimet.

E dikujt nuk i ndihmoi as kanali që e kishte hapur, për t’ia shpëtuar grurin.

Drejtori i Bujqësisë, Lulzim Shoshi, thotë se Komisioni i Komunës së Istogut  do të bëj vlerësimin e dëmëve nga reshjet e fundit.

Vetëm vitin e kaluar nga vërshimet në Istog, bujqit kanë pësuar afër 170 mijë euro dëme.