Fjalë Kyçe

Vetëvendosje marshon në Tiranë më 28 nëntor, në krye të kërkesave – bashkimi kombëtar

Vetëvendosje marshon në Tiranë më 28 nëntor, në krye të kërkesave – bashkimi kombëtar

Vetëvendosje ka paralajmëruar një marsh kombëtar më 28 Nëntor, të cilit i janë bashkërenduar edhe disa kërkesa që në krye kanë bashkimin kombëtar. Anëtari i Bordit të Lëvizjes Vetëvendosje në Tiranë, Hysamedin Feraj, ishte i ftuar në ”A2CNN”, nga ku foli për këtë marshim.

”Ky marshim është një ngjarje që i kthen gjërat për së mbari. Është përvjetori i shpalljes së Pavarësisë së shqiptarëve, të një shteti shqiptar, i cili u gjymtua shumë shpejt. 28 Nëntori duhet të jetë një ftesë. Më 28 Nëntor ne i respektojmë ata që shpallën pavarësinë, duke iu dëshmuar se kanë lënë dikë prapa dhe që vazhdon atë projekt dhe ai nuk është i vdekur. Mënyra më e mirë e përvjetorit të Pavarësisë është që të dëshmojmë se jemi këtu, jemi në atë projekt”.

Ai foli edhe për ”Mini Shengenin”, duke thënë se ka disa dimensione që duket përpjekja e qeverisë për ta vendosur sferën në intersat e Serbisë. “Në të gjithë treguesit, kryeministri Rama duket se është në dirigjimin e plotë të politikës serbe, e cila është vijim i nacionalizimit serb të shekullit XIX”, u shpreh Feraj.