Vrasje e rëndë në Novobërdë: Dyshohet se nipi e vrau gjyshin
Në Novobërdë ka ndodhur një vrasje e rëndë, fillimisht ishte raportuar si vetëvrasje, por prokurori i shtetit e ka cilësuar si vrasje e rëndë.
Policia e Kosovës, ka bërë të ditur se gjatë ditës se djeshme (e premte), rreth orës 20:30, ka ndodhur një vrasje e rëndë në Novobërdë.
Fillimisht ishte raportuar nga nipi, se gjyshi i tij ka bërë vetëvrasje, por prokurori i shtetit pasi ka dalur në vendin e ngjarjes, e ka cilësuar si vrasje të rëndë.
Me vendim të prokurorit është bërë arrestimi i ankuesit tani i dyshuar mashkull kosovar dhe është dërguar në mbajtje.
“Novobërdë 15-16.01.2021 – 20:30. Fillimisht ankuesi mashkull kosovar ka raportuar se gjyshi i tij ka bërë vetëvrasje. Në vendin e ngjarjes ka dalur edhe prokurori i shtetit, i cili bënë ri cilësimin e veprës nga vdekje e dyshimtë në vrasje të rëndë. Me vendim të prokurorit është bërë arrestimi i ankuesit tani i dyshuar mashkull kosovar dhe është dërguar në mbajtje”, thuhet në raportin e policisë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]