Vrasjet e fundit, ekspertët tregojnë lagjet më problematike të Prishtinës

Ditëve të fundit në Prishtinë, kanë ndodhur disa vrasje dhe disa të shtëna tjera poashtu kanë ndodhur në lagje të ndryshme.

Ngjarje të tilla kanë ngjallur pasiguri te qytetarët derisa opinioni publik ka kërkuar reagimin e institucioneve.

Në RTV Dukagjini për këtë temë kanë diskutuar me Lulzim Fushticën- Drejtor për Siguri në Komunën e Prishtinës dhe Mensut Ademin- profesor i kriminalistikës.

Panelistët kanë thënë se ekziston një paragjykim se lagjja më e rrezikshme sa i përket shkallës së kriminalitetit është Vranjevci, por që sipas tyre kjo nuk qëndron.

“Policia i ka të gjitha të dhënat. Por nuk është Vranjevci lagjja më problematike e kryeqytetit. Vranjevci është lagjja më e sigurt. Dardania është shumë më e rrezikshme”, ka shtuar profesori i kriminalistikës, Mensut Ademi.

Derisa drejtor për Siguri në Komunën e Prishtinës, Lulzim Fushatica ka shtuar se edhe “Rruga B” është ndër lagjet më problematike të kryeqytetit.

Profesori i kriminalistikës, Mensut Ademi ka thënë se nëse policia nuk mund ta mbajë nën kontroll këtë situatë duhet edhe shoqëria t’i ndihmojë.

Ndryshe gjatë së martës në Prishtinë, nga përleshja me armë mbetën të vdekur dy persona, njëra prej të cilëve ishte kalimtare rasti.