Vuçiq tregon ‘çfarë fshihet’ prapa bashkimit të Mitrovicës

Presidenti i Serbisë, Aleksandar Vuçiq, deklaroi sot se rrëfimi për bashkimin e Mitrovicës është një tjetër përpjekje e shqiptarëve për të hyrë në veri dhe të dominojë këtë pjesë të Kosovës, të ndihmuar nga Rada Trajkoviq me dëshminë e tij për vrasjen e Oliver Ivanoviq.

I pyetur nëse pret që ideja e bashkimit të Mitrovicës, të përfaqësuar nga shqiptarët, të paraqitet në takimin e Berlinit më 29 prill, Vuçiq tha se ‘gjithçka që shqiptarët bënë që nga vrasja e politikanit serb Oliver Ivanoviq ishte një hetim i tmerrshëm për atë se kush i kreu krimet, dëshira për të dëbuar serbët që mund t’iu kundërvihen atyre në veri.

Ndryshe, liderja e Lëvizjes evropiane të serbëve nga Kosova Rada Trajkoviq kishte deklaruar kohë më parë se shqiptarët nuk kanë shumë të dhëna për atë që po ndodh në veri, pasi janë të vendosura strukturat kryesisht serbe, të cilat i raportojnë Beogradit.

Ajo gjithashtu tha se nuk pret që autoritetet e Beogradit dhe Prishtinës të “dalin” me emrat e vrasësve të Ivanoviqit.

Kreu i Iniciativës Qytetare SDP u vra para selisë së kësaj partie në Mitrovicën e Veriut vitin e kaluar.