Fjalë Kyçe

VV pret që Supremja të vendos në favor të saj: Kandidatët tanë kryen vepra penale që nuk kanë pasoja juridike

VV pret që Supremja të vendos në favor të saj: Kandidatët tanë kryen vepra penale që nuk kanë pasoja juridike

Juristi i Lëvizjes Vetëvendosje Blerim Sallahu është deklaruar pas dorëzimit në Gjykatën Supreme, të ankesës së këtij subjekti lidhur me vendimin e PZAP-së për moscertifikim të disa kandidatëve të tyre për deputetë, për zgjedhjet e 14 shkurtit.

Sallahu u shpreh para të pranishmëve, se presin që Gjykata Supreme të merr vendim në favor të Lëvizjes Vetëvendosje, meqë sipas tij, ka argumente të mjaftueshme për të rrëzuar vendimin siç e quajti antikushtetues që ndalon kandidimin e pretendentëve për deputetë të kësaj partie, njofton Klan Kosova.

”Mendoj që Gjykata Supreme do të marrë vendim në favor të Lëvizjes Vetëverndosje. Sepse Vetëvendosje ka argumente mjaft të qëndrueshme, për të rrëzuar një vendim antikushtetues dhe antiuniverzal për të kandiduar si deputet i Vetëvendosjes”.

”Nëse ndodhë e kundërta, jemi në dy rrafshe – në rrafshin politik ku organet e VV-së do të vendosin se çfarë do të bëjmë tutje, dhe patjetër që ne do t’i drejtohemi edhe Gjykatës Kushtetuese, për të kërkuar masë të përkohshme për pezullimin e një vendimi të tillë”.

”Duke ditur argumentet tona, Gjykata Suprene nuk do marrë vendim kundër moscertifikimit të pesë kandidatëve të Lëvizjes Vetëvendosje për deputetë, për faktin sepse ata kanë kryer disa vepra penale që nuk kanë kurfar pasojash juridike që e përcakton edhe Kodi Penal i Republikës së Kosovës”.