Xavi: Fitimi i Topit të Artë nga Messi është drejtësi e futbollit
Trajneri i Barcelonës, Xavi Hernandez ka folur në lidhje me ceremoninë e ndarjes së Topit të Artë, çmimin kryesor të cilin e fitoi Lionel Messi, për të shtatën herë.
Xavi luajti përkrah Messit për shumë vite në “Camp Nou”, ku paten suksesin më të madh në dekada, shkruan Gazeta Express.
“Gjëja e parë që dua të bëj është ta uroj Alexia Putellas”, tha Xavi, duke iu referuar futbollistes së Barcelonës që e fitoi Topin e Artë në konkurrencën e femrave.
“Gjithashtu, dua ta uroj Pedrin për shpalljen e futbollistit më të mirë të ri”, u shpreh Xavi.
Tutje, ai foli për Topin e Artë që e fitoi Lionel Messi.
“Fitorja e Messit është drejtësi e futbollit. Ne mund të mendojmë gjithashtu se të tjerë e kanë merituar, por në momentin që e hapin zarfin dhe thonë Messi, atëherë është e drejtë”, përfundoi Xavi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]