Yamal paralajmëron se Spanja nuk duhet të ndryshojë

Lamine Yamal këmbëngul se Spanja duhet të vazhdojë të luajë lojën e saj në finalen e Euro 2024 kundër Anglisë pas suksesit kundër Gjermanisë dhe Francës.

Pasi ka mbushur 17 vjeç, Yamal iu përgjigj pyetjeve nga Marca se si Spanja duhet të shkojë në finalen e së dielës, duke sugjeruar se gjëja më e rëndësishme është t’i qëndrojë besnike paraqitjeve jashtëzakonisht mbresëlënëse deri më tani.

“Të luajmë ashtu siç po bëjmë, si kundër Gjermanisë ose Francës. Të jemi vetvetja, të kemi topin dhe ta kontrollojmë lojën në çdo kohë. Mendoj se jemi më të mirët në këtë dhe askush nuk mund të na ndalojë nëse e bëjmë këtë. Është e qartë se si skuadër nuk ka si Spanja”, tha Yamal, raporton Goal.com, transmeton Klankosova.tv.

Spanja ishte e vetmja skuadër në fazën e grupeve që doli me nëntë pikët maksimale nga tre ndeshjet e saj dhe ka pasur rrugën shumë më të vështirë të eliminimit për të arritur në finale.

Ata eliminuan Gjermaninë – skuadrën tjetër më të mirë nga grupet – në çerekfinale, përpara se finalistët e Kupës së Botës 2022, Franca të binte në gjysmëfinale.