Fjalë Kyçe

Zeka: Po t’i fitoja 70 deputetë, do t’ia dorëzoja Albin Kurtit postin e kryeministrit

Zeka: Po t’i fitoja 70 deputetë, do t’ia dorëzoja Albin Kurtit postin e kryeministrit

Kryetari i Partisë Euroatlantike të Kosovës, Milaim Zeka, ishte ftuar në emisionin Pressing Zgjedhor në T7.

Zeka ndër të tjera në këtë emision ka folur edhe për zgjedhjet e ardhshme në vendin tonë.

Ai e ka pranuar se gjasat që ai të zgjedhet si kryeministër, përkundër se është nominuar nga partia e tij, janë të vogla. Por ai ka thënë se edhe po të fitonte një shumicë nuk do e pranonte postin e kryeministrit.

“Edhe po të i fitoja 70 deputetë, përsëri postin e kryeministrit do i dorëzoja Albinit apo dikujt tjetër”, ka thënë Zeka.

“Këto do i bëja vetëm që të ecin proceset përpara. Mirëpo nuk do lëshoja pe në programin tim. Unë e kam refuzuar postin e ministrit vetëm që të jemë deputet. I kam thënë Kadri Veselit në një bisedë personale që ai nuk ka shanca të luftojë korrupsionin dhe nepotizmin.”

Më pas Zeka ka thënë edhe se vendit nuk i konvenon që të prishë marrëdhëniet me miqtë ndërkombëtar, më saktësisht me ShBA’në.