Pamje dramatike nga të shtënat në El Paso të Teksasit

Të shtënat masive që ndodhën në Teksas dhe Ohio gjatë javës së kaluar që kanë ndodhën brenda 24 orëve, ua kanë marrë jetën 30 personave.

Shtetet e Bashkuara janë në shok për shkak të këtyre tragjedive, kurse në rrjetet sociale mund të gjenden një numër i videove të filmuara nga vendet ku kanë ndodhur vrasjet, transmeton Telegrafi.

Një nga momentet më dramatike është filmuar pikërisht në El Paso të Teksasit, ku kanë ndodhur të shtënat e para. Sulmin në Wallmart në El Paso mediat amerikane raportojnë se e ka kryer Patrick Krusius, 21-vjeç. Ai kishte shëtitur nëpër një qendër tregtare, me ç’rast kishte filluar të shtie në drejtim të vizitorëve.

Videoja është shumë dramatike ku shihet se si një person qëndron i shtrirë nën tavolinë, derisa pak metra larg tij dëgjohen të shtënat. Ai mundohet të qëndroj sa më i qetë për të mos u vërejtur nga sulmuesi.

Edhe një video tjetër ka tërhequr vëmendjen e opinionit, ku shihet se si masa mundohet të evakuohet nga një dyqan brenda qendrës tregtare. Aty ishin futur forca të shumta të policisë për të ndihmuar civilët.

https://www.youtube.com/watch?time_continue=41&v=HCgRUhr-J4I