Rihapet xhamia Al-Noor për besimtarët, pas sulmit terrorist
Besimtarët myslimanë janë kthyer në xhaminë Al-Noor në Kristçërç të Zelandës së Re, për herë të parë pas sulmit ku mbetën të vrarë 50 persona. Xhamia ishte mbyllur për të zhvilluar hetime për sulmin, por të shtunën disa grupe të vogla u lejuan të futen brenda.
Më 15 mars, 50 persona mbetën të vdekur pas sulmit terrorist në dy xhami në Kristçërç.
Rreth 3,000 persona, të shtunën marshuan për të nderuar viktimat. Shumë prej tyre kanë mbajtur pankarta me thirrje për paqe dhe dënim të racizmit.
Aden Diriye, që kishte humbur djalin 3 vjeç gjatë sulmit, u rikthye në xhami të shtunën.
“Jam shumë i lumtur’, tha ai pas sulmit. “U riktheva menjëherë pas rihapjes, për t’u lutur”, shtoi ai.
Australiani Brenton Tarrant, 28 vjecar, është akuzuar për vrasje si dhe pritet të përballet edhe me akuza të tjera.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]