Sulmohet treni “Bllaca 99”
Në përvjetorin e eksodit të Bllacës, ishte vendosur gurthemeli i muzeut të gjenocidit serb “Bllaca 99”.
Shumë qytetarë morën pjesë në këtë inaugurim, duke iu bashkëngjitur rrugëtimit me tren, por kësaj radhe me dëshirë
Treni “Bllaca 99” u vendos për të kujtuar ikjen masive të shqiptarëve pas përndjekjes nga forcat serbe.
Por, ky tren nuk është në gjendjen në të cilën gjendej kur u inaugurua.
Lexues te Express kanë dërguar në adresë të redaksisë disa fotografi ku shihet se qytetarë të pandërgjegjshëm e kanë sulmuar dhe dëmtuar këtë tren.
“Sot e vizituam kështu ishte. Dritaret e thyera, karriget e shkatërruara, kabllot e rrymës të këputura. Kjo ka ndodhur këto ditë pasi është vendosur”, ka thënë qytetari i cili i ka dërguar fotografitë
Treni është vendosur me datën 11 prill, në 20 vjetorin e eksodit të Bllacës, e në kujtim të kësaj ngjarjeje, ishte hapur edhe një ekspozitë e cila ilustronte përjetimet e shqiptarëve.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]