Shtetet e Bashkuara goditen nga një tërmet i fuqishëm prej 5.7 ballësh
Një tërmet me 5.7 shkallë të Rihterit është regjistruar afër qytetit Salt Lake City në Shtetet e Bashkuara.
Dridhja ka bërë që energjia elektrike të ndërpritet në një pjesë të kësaj zone.
Epiqendra e tërmetit ishte në jugperëndim të këtij qyteti. Besohet se rreth 2.7 milionë njerëz i kanë ndier dridhjet e tërmetit, raportoi Instituti Amerikan i Gjeologjisë.
Shumë banorë raportuan përmes internetit se i kanë ndier dridhjet në shtëpitë e tyre për 10 deri 15 sekonda, shkruan “Daily Mail”, transmeton Gazeta Express.
Së paku gjashtë dridhje të tjera u regjistruan pas dridhjes kryesore dhe u paralajmërua se është e mundshme të ketë më shumë dridhje më vonë.
Ky ishte tërmeti më i fuqishëm që është regjistruar në shtetin Utah që nga viti 1992, kur një dridhje prej 5.9 ballësh të Rihterit ishte regjistruar në zonën Saint George.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]