Shkencëtarët zbulojnë gjashtë koronavirusë të rinj te lakuriqët

Studiuesit e Programit Global të Shëndetit Smithsonian, kanë zbuluar gjashtë coronavirusë të rinj në lakuriqët në Myanmar – hera e parë që këto viruse janë zbuluar kudo në botë.

Studimet e ardhshme do të vlerësojnë potencialin e transmetimit nëpër specie për të kuptuar më mirë rreziqet për shëndetin e njeriut. Sipas autorëve, koronaviruset e zbuluara rishtazi nuk janë të lidhura ngushtë me Sindromën e rëndë të frymëmarrjes akute (SARS CoV-1), Sindromën e frymëmarrjes në Lindjen e Mesme (MERS) ose SARS-CoV-2, shkruan Phys.org.

Gjetjet do të ndihmojnë në të kuptuarit e larmisë së koronavirusit në lakuriqë dhe informimin e përpjekjeve globale për zbulimin, parandalimin dhe përgjigjen ndaj sëmundjeve infektive që mund të kërcënojnë shëndetin publik, veçanërisht në dritën e pandemisë në vazhdim të COVID-19, transmeton Telegrafi.

Studimet e ardhshme duhet ta sqarojnë atë. Shumë viruse të koronës mund të mos paraqesin rrezik për njerëzit. Megjithatë, thuhet se koha mund të kursehet përmes zbulimit të hershëm.

“Sa më shumë dimë për viruset tek kafshët e egra – si bëhen mutant dhe si përhapen në specie të tjera – aq më mirë mund të zvogëlohet potenciali i tyre pandemik”, tha Marc Valitutto, autori kryesor i studimit të botuar në revistën Plos One.

“Pandemitë virale na kujtojnë gjithashtu sa ngushtë shëndetësia e njeriut është e lidhur me shëndetin e jetës së egër dhe mjedisin”, u shpreh Valitutto.

Hulumtimi u krye në Myanmar sepse njerëzit kanë më shumë të ngjarë të vijnë në kontakt të ngushtë me jetën e egër lokale për shkak të ndryshimeve në përdorimin e tokës.

Ekspertët vlerësojnë se mijëra viruse të koronës, shumë prej të cilave ende nuk janë zbuluar, janë të pranishëm të lakuriqët.