BE thyen heshtjen, tregon se a do të ketë sezon turistik veror

Bashkimi Evropian pret të ketë sezon turistike të verës përkundër COVID-19.

Komisioni Ekzekutiv i Bashkimit Evropian do të propozojë një hapje graduale të kufijve në një përpjekje për të filluar një industri turistike të goditur rëndë nga pandemia e koronavirusit, raporton Bbc, transmeton lajmi.net.

“Mesazhi ynë është që ne do të kemi një sezon turistik këtë verë,” tha komisioneri për çështje ekonomike Paolo Gentiloni, “edhe nëse është me masa të sigurisë dhe kufizime.”

Kufijtë janë mbyllur në të gjithë BE-në, përfshirë zonën pa kufij të Shengenit.

Por shtetet kanë filluar t’i rihapin ato.

Austria dhe Gjermania janë bërë vendet e fundit të BE që pranuan të heqin kufizimet e udhëtimit, transmeton lajmi.net.

Nga e premtja do të ketë kontrolle të rastësishme në vendkalimet kufitare dhe më pas më 15 qershor lëvizja e lirë duhet të rifillojë.

“Ne duam ta bëjmë jetën e përditshme të njerëzve më të lehtë dhe të hedhim një hap drejt më shumë normalitetit,” tha kancelari Sebastian Kurz.

Shkalla e krizës u ilustrua nga gjigandi i udhëtimeve Tui duke njoftuar humbjen e deri në 8,000 vendeve të punës në të gjithë botën me planet për të ulur kostot me 30%. Qeveria gjermane i ka dhënë kompanisë një kredi prej 1.8 miliardë euro duke u dhënë një hua për të qëndruar në det.