Vrasësi serial i njohur si “Ujku i natës” pranon masakrimin e 83 grave në Rusi

Një maniak vrasës serial në Rusi ka pranuar së fundmi se ka masakruar të paktën 84 gra, duke përdorur cekiçë, sëpata e kaçavida.

Ish-polici rus Mikhail Popkov, i njohur ndryshe si “Ujku i Natës” është përballur dy herë me drejtësinë për vrasjen dhe përdhunimet e grave, që ishin me moshë nga 18 deri në 50 vjeç.

Viktimat e tij janë vrarë nga viti 1992 deri në 2010 por hetuesit e çështjes Popkov thonë se numri total i viktimave me shumë gjasa i kalon 100 dhe mund të jetë “afro 200”.

Ai është zhvendosur tashmë nga burgu i Lindjes së Largët ruse në qytetin e Irkutsk për hetimet e një çështje të re.

Në një video të re makabre, maniaku 56-vjeçar pranon vrasjen e një gruaje që kishte marrë në makinë në rrugën Karl Marx në qytetin e tij të lindjes Angarsk.

Ai tregohet në pamje duke vizituar skenën e krimit ku akuzohet se e ka përdhunuar dhe vrarë viktimën.

Popkov pranoi se e detyroi gruan të bënin seks dhe i tha detektivëve: “Më pas bëmë sherr dhe e vrava. E godita në kokë ….Ajo ra përtokë dhe nuk tregonte shenja jete.”

Komisioni Rus i Hetimit tha se vrasësi “ka shkruar deklaratën e pranimit të fajit”.

Hetuesi i çështjes kolonel Evgeny Karchevsky, jka thënë më herët: “Jam i sigurtë që Popkov ka kryer më shumë se 100-krime, ndoshta afro 200.
“Ishte e pamundur për të që të hiqte dorë.”

Ai është shpallur fajtor për vrasjen e 81 grave, ndërsa tre çështje kanë skaduar prej mbarimit të afatit të kufizimit kohor.

Popkov nuk e ka treguar numrin e krimeve të tij, por në 2015 u shpall fajtor për vrasjen e 22 grave.

Prej atëherë ai pranoi dhe 59 vrasje të tjera, përfshi edhe një polic. Ai kishte thika, sëpata, lopata, çekiçë e kaçavida në fushatën e tij të ligësisë.

Kësaj jave një gazetar vendas tha se maniaku kishte pranuar fajin me qëllim të shpëtonte nga burgu i kushteve të rënda në koloninë e quajtur Torbeyevsky Tsentral.

“Kisha punaur në Torbeyevsky Tsentral për 10 muaj pushime, prandaj desha pak pushim. E dija që do më sillnin në Irkutsk”, shkruan vrasësi në rrëfimin e tij.