Organizoi dasmë në kohë Covid-19, kjo i ndodhi pronari i lokalit

Një pronar i një lokali në rrugën e vjetër të Ndroqit është gjobitur me 1.000.000 lekë për shkak se ka lejuar organizimin e një dasme në kohë kur pandemia Covid-19 është përhapur në masë.

Shërbimet e Komisariatit të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në rrugën e vjetër të Ndroqit, subjektin me administrator shtetasin P. B., i cili kishte organizuar ceremoni martesore në kundërshtim me Aktin Normativ.

Ndërkohë tre persona të tjerë janë proceduar penalisht në Durrës për shkak se akuzohen për prishje të qetësisë publike. Ndërsa një tjetër person është arrestuar në flagrancë për shkak se të kalojë në PKK Port Durrës, mallra të padeklaruara.

Njoftimi i policisë:

Durrës

Organizoi ceremoni martesore në kundërshtim me Aktin Normativ, ndëshkohet me masë administrative administratori i subjektit.

Procedohen penalisht 3 shtetas, për veprën penale “Prishja e qetësisë publike”.

Arrestohet në flagrancë një 43-vjeçar, pasi tentoi të kalojë në PKK Port Durrës, mallra të padeklaruara.

Shërbimet e Komisariatit të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në rrugën e vjetër të Ndroqit, subjektin me administator shtetasin P. B., i cili kishte organizuar ceremoni martesore në kundështim me Aktin Normativ.

Për këtë subjekt, shërbimet e Policisë kanë vendosur masë administrative 1.000.000 lekë.
—
Gjithashtu, në vijim të kontrolleve të ushtruara në Manzë, specialistët për Hetimin e Krimeve kanë proceduar penalisht shtetasit:

Gj. B., 53 vjeç, banues në fshatin Draç, Ishëm.

M. B., 42 vjeç, banues në fshatin Bizë, Ishëm.

O. M., 56 vjeç, banues në fshatin Vardardhë, Sukth.

Këta shtetas kanë organizuar ceremoni familjare dhe kanë vendosur muzikë të lartë në banesat e tyre duke prishur qetësinë publike.
—
Specialistët për Hetimin e Krimit Ekonomik dhe Financiar në Drejtorinë Vendore të Policisë Durrës arrestuan në flagrancë shtetasin O. T., 43 vjeç, pasi gjatë kontrollit në PKK Port Durrës, në mjetin tip “DAF”, iu gjetën dhe sekuestruan në cilësinë e provës materiale një sasi mallrash kontrabandë, të cilat nuk i kishte deklaruar.

Materialet i kaluan Prokurorisë së Rrethit Durrës, për veprime të mëtejshme./tch