Gjermania mbyll rajonin e ‘goditur’ nga COVID-19

Gjermania po vendos bashkinë bavareze të Berchtesgadener Land nën bllokim nga ora 14:00 sot, ndërsa rajoni piktoresk Alpin bëhet zona kryesore e koronavirusit të vendit.

Shkollat, çerdhet dhe restorantet do të qëndrojnë të mbyllura nga sot në ora 14:00 dhe pasi banorët nuk do të lejohen të largohen nga shtëpitë e tyre nëse nuk kanë një arsye të fortë për ta bërë këtë, siç janë zotimet e punës, pazar ushqimesh ose ushtrime në natyrë.

Bllokimi lokal është i pari i këtij lloji në Bavari që nga prilli.

Berchtesgadener Land, një rajon që ka popullsi prej 100,000 banorësh, aktualisht po sheh rritjen më të lartë shtatë-ditore të Covid-19 në Gjermani, me 272,8 infeksione të reja për 100,000 banorë në hapësirë e një jave.

Ndërsa qeveria gjermane këmbëngul se do të përpiqet të shmangë një bllokim të dytë në mbarë vendin me çdo kusht, disa zyrtarë kanë propozuar ditët e fundit rrethimin e rajoneve për të përmbajtur përhapjen e virusit, transmeton lajmi.net.

Lothar Wieler, kreu i agjencisë gjermane të kontrollit të sëmundjeve, tha javën e kaluar se ndërsa rrethimi i rretheve të tëra i ishte dukur “i paimagjinueshëm” nëntë muaj më parë, ai tani mund të shihte shtetet federale duke ndërmarrë një hap të tillë.