CNN: Amerika po përgatitet për Bidenin president, zona e mbrojtur ajrore po shënjohet mbi shtëpinë e tij
Televizioni i njohur amerikan, CNN, ka raportuar se hapësira ajrore mbi shtëpinë e Bidenit në Wilmington po caktohet si hapësirë ajrore e mbrojtjes kombëtare, që do të thotë se zyrtarët po përgatiten për kalimin e pushtetit.
Ky njoftim vjen pasi Bideni e përmbysi epërsinë e Trumpit në Pensilvani, shtet ku presidenti i deritashëm kishte qindra mijëra vota më shumë vetëm para 24 orësh, shkruan Gazeta Express.
Të premten, epërsinë e Trumpit Bideni e përmbysi edhe në Georgia, ndërsa është duke udhëhequr me vota edhe në Nevada.
Nëse Bideni fiton në Pensilvani, ku deri më tani janë numëruar 95 për qind e votave, ai siguron më shumë se 270 vota të Kolegjit Zgjedhor, që është pragu i nevojshëm për fitimin e zgjedhjeve në nivel kombëtar.
Pas zhvillimeve të fundit, duket se Joe Biden – mik i madh i Kosovës – është shumë pranë konfirmimit si president i ri i shtetit më të fuqishëm në botë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]