Në disa pamje të regjistruara nga një proteste e palestinezëve në tokat e pushtuara të Bregut Perëndimor, ushtarë izraelitë shihen që tentojnë forcërisht të marrin një palestinez të plagosur nga ambulanca.
Pamjet e incidentit tregojnë sesi ushtarët tërheqin të plagosurin nga ambulanca e Gjysmëhënës së Kuqe Palestineze në Bregun Perëndimor, edhe pse i riu ishte i plagosur gjatë protestave kundër politikave izraelite të shembjes së shtëpive palestineze në luginën e lumit Jordan.
Në pamje, një ushtar izraelit shtyn punonjësin e ndihmës duke tentuar të arrijë njeriun e plagosur, por punonjësi arrin të mbyllë derën dhe më pas mjeti largohet nga skena.
Ministria e shëndetësisë e Palestinës dënoi incidentin dhe hyrjen e ushtarëve izraelitë në ambulancë, duke thënë se është incidenti i dytë ku përfshihet personali mjekësor.
Dje, 24 palestinezë u plagosën kur ushtarët izraelitë qëlluan me plumba gome dhe gaz lotsjellës për shpërndarjen e protestuesve në Luginën e Jordan.
Në luginën e Jordan jetojnë rreth 60,000 palestinezë sipas OKB, por rreth 90 përqind e territorit është vënë nën kontrollin izraelit, siç janë vënë dhe tre të pestat e Bregut Perëndimor.
The video was filmed today following a peaceful protests against settlements activity at one of the West Bank's Israeli checkpoints.
Fully armed Israeli soldiers were attempting to arrest from inside the medical ambulance one of the wounded protesters! pic.twitter.com/MNgXU0jR1H— Ramy Abdu| رامي عبده (@RamAbdu) November 24, 2020