Infermieri amerikan qëllimisht i shkatërroi 500 vaksina kundër coronavirusit

Autoritetet policore dhe federale po hetojnë rastin e një punonjësi mjekësor, i cili pranoi se shkatërroi qëllimisht 500 doza të vaksinës kundër coronavirusit.

Qendra Mjekësore Aurora së pari raportoi se dozat u thyejnë të shtunën, duke shtuar se ato aksidentalisht u lanë jashtë ngrirjes brenda natës në qytetin e Graftonit, por sot ata thonë se punonjësi mjekësor shkatërroi qëllimisht vaksinat, raportoi thenewyorktimes.

Policia në Grafton, rreth 30 kilometra në veri të Milwaukee, po punon në mënyrë aktive me FBI-në dhe Administratën e Ushqimit dhe Barnave për të përcaktuar rrethanat.

Zyrtarët e zbatimit të ligjit thanë se ata u informuan të mërkurën në mbrëmje për pretendimin e “ngatërrimit” të vaksinave, dhe sot ata nuk kishin asnjë informacion dhe refuzuan të thonë nëse dikush ishte arrestuar.

Ndryshe, në një deklaratë të lëshuar herët këtë mëngjes, Aurora deklaroi se punëtori i tyre “pranoi se qëllimisht nxori vaksinat nga frigoriferi” dhe se ai u pushua menjëherë nga puna, dhe çështja u la autoriteteve.