Serbia nis prodhimin e vaksinave ruse, Sputnik: Do të shpërndahet dhe në vendet e rajonit
Fondi Investimeve ruse bën me dije se ka arritur një marrëveshje me institutin “Torlak” në Serbi për prodhimin e vaksinës ruse kundër koronavirusit “Sputnik V”.
Sipas kësaj marrëveshje, pritet që prodhimi i kësaj vaksine në Serbi të nisë brenda muajit maj dhe në muajt në vijim mund të shpërndahet dhe në vendet e rajonit.
“RDIF dhe Instituti i Virologjisë dhe Vaksinave ‘Torlak’ shpallin këtë marrëveshje për prodhimin e ‘Sputnik V’, vaksina e parë e regjistruar në botë kundër koronavirusit. Serbia bëhet në këtë mënyrë vendin e parë në Europën jugore që prodhon vaksinën. “Sputnik V” mund të eksportohen të vendet e rajonit në një fazë më të vonëshme”, shkruan Fondi i Investimeve ruse.
Zyrtari i fondit Kirill Dmitriev falënderoi qeverinë serbe për mbështetjen konstante dhe besimin e treguar tek vaksina, duke kujtuar se Serbia ishte një ndër vendet e para që miratoi përdorimin e “Sputnik V”. /a2news
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]