Qindra motorë janë nisur për në Srebrenicë në kujtim të viktimave të gjenocidit

Qindra motoçiklistë nga vende të ndryshme janë nisur për në Potocari në kujtim të viktimave të gjenocidit të Srebrenicës.

Pjesëmarrësit e Maratonës së 10-të Ndërkombëtare të Motorëve në Srebrenicë, të organizuar këtë vit me parullën “Mos të harrohet, Mos të përsëritet”, kanë kaluar nëpër rrugët kryesore të qytetit, ka shkruar Anadolu Agency, përcjell Klankosova.tv.

Ata kanë lënë lule tek Memoriali i Fëmijëve të Vrarë.

Pas ceremonisë përkujtimore dhe varrimit që do të mbahet për 26 vjetorin e gjenocidit të Srebrenicës, 19 viktima që janë gjetur në varreza masive do të varrosen në Varrezat Përkujtimore të Potocarit. Më i riu nga viktimat që do të varroset është Azmir Osmanoviç, i cili ishte 16 vjeç kur u vra, dhe më i moshuari është Husein Kurbashiq, i cili u vra në moshën 63 vjeç.

Pas pushtimit të Srebrenicës nga trupat serbe nën komandën e Ratko Mlladiq më 11 korrik 1995, boshnjakët civilë të cilët ishin strehuar me ushtarët holandezë brenda Kombeve të Bashkuara (KB) më pas u ishin dorëzuar serbëve.

Pas ceremonisë së këtij viti, numri i viktimave të varrosura do të jetë 6,671.