Raportohet për 50 të plagosur nga protestat në Mal të Zi

Dhjetëra persona mbetën të plagosur në protestat që u mbajtën në Mal të Zi, kundër ceremonisë së shugurimit të kreut të Kishësh Ortodokse, Joanikijes, në Manastirin e Cetinjës në Mal të Zi.

Zëvendësdrejtori i policisë së Malit të Zi, Dragan Goroviç, tha për televizionin shtetërorë se 20 oficerë u plagosën, ndërsa një klinikë shtetërore në Cetinje, njoftoi se rreth 30 civilë kërkuan ndihmë për plagët e marra gjatë protestave.

Policia përdori gaz lotsjellës për të shpërndarë qindra protestues, disa prej të cilëve hodhën gurë, shishe dhe fishekzjarre, ndërsa figurat e kishës mbërritën me helikopter. Disa njerëz të tjerë dogjën goma dhe u ulën në rrugë, shkruan Reuters, transmeton Klankosova.tv.

Kryeministri Zdravko Krivokapiç i përshkroi sulmet ndaj policisë si terrorizëm. Ambasadat e Gjermanisë, Italisë, Francës, Britanisë, Shteteve të Bashkuara dhe Bashkimi Evropian dënuan dhunën rreth kurorëzimit të Joanikije II.

Shugurimi i Joanikije II në një manastir në qytetin Cetinje ka ngjallur përçarje brenda Malit të Zi për lidhjet me Serbinë fqinje.