65 të vdekur nga Covid gjatë 24 orëve të fundit në Serbi
Serbia njoftoi të dielën (31 tetor) se ka regjistruar edhe 65 të vdekur nga COVID-19.
Numri i përgjithshëm i viktimave që nga mesi i muajit mars 2020 ka arritur në 9.955.
Gjatë 24 orëve të fundit janë kryer 16.048 testime për koronavirusin e ri dhe nga kjo shifër, pozitivë kanë dalë 4.929 persona.
Situata me pandeminë në Serbi është përkeqësuar gjatë periudhës së fundit.
Edhe në spitale ka shumë pacientë që po trajtohen. Autoritetet shëndetësore kanë njoftuar të dielën se janë 6.764 pacientë të shtrirë në spitale, prej të cilëve 282 janë vendosur në respiratorë.
Kryeministrja e Serbisë, Ana Brnabiq, tha se numri i përgjithshëm i banorëve të rritur të vaksinuar kundër koronavirusit më 31 tetor ka kaluar shifrën prej tre milionë.
Serbia ka rreth 7 milionë banorë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]