Rekord vdekjesh nga COVID-19 në Bullgari, rriten ndjeshëm infektimet
Bullgaria raportoi një numër rekord të vdekjeve ditore nga koronavirusi të martën, ndërsa vendi më pak i vaksinuar i Bashkimit Evropian përballet me një valë të katërt të pandemisë.
334 persona humbën jetën nga virusi në 24 orët e fundit, ndërkohë 5 mijë e 286 qytetarë rezultuan të infektuar.
Vendi ballkanik kërkon lejen shëndetësore në shumicën e hapësirave të brendshme, vendim që hyri në fuqi muajin e kaluar në një përpjekje për të frenuar përhapjen e infeksionit dhe për të përshpejtuar vaksinimet në vend, ku vetëm 30 përqind e të rriturve janë injektuar plotësisht.
Mbi 250 mijë njerëz kanë marrë të paktën një dozë që kur leja shëndetësore u bë e detyrueshme më 21 tetor.
Shumë bullgarë mbeten skeptikë ndaj vaksinës mes mosbesimit të rrënjosur në institucionet shtetërore, keqinformimit dhe mesazheve kontradiktore nga politikanët.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]