Prokurori i drejton pushkën jurisë, rrjeti nuk e fal

Prokurori i një prej çështjeve më të nxehta gjyqësore në SHBA shkaktoi reagim të ashpër në rrjet për shkak se i drejtoi një armë jurisë gjatë seancës. Thomas Binger, prokurori në çështjen e 18-vjeçarit Kyle Rittenhouse, i cili akuzohet për vrasjen e dy personave gjatë një proteste në vitin 2020, mori pushkën e adoleshentit dhe duke shpjeguar rrjedhën e ngjarjeve ia drejtoi atë anëtarëve të jurisë.

Vendimi për Rittenhouse pritet të jepet sot dhe qyteti i Kenoshas, në Uiskonsin, është në gjendje alerti për shkak se cilido qoftë ai, pritet të ketë protesta nga palët. 18-vjeçari vrau 2 persona vitin e kaluar dhe plagosi një të tretë. Nëse shpallet fajtor adoleshenti mund të dënohet me burgim të përjetshëm, ndërsa pala mbrojtëse pretendon se qëlloi për të mbrojtur veten pasi po sulmohej.

Pamjet e prokurorit me armë në dorë, drejtuar jurisë u komentuan si shkelje e rregullit numër 1 për sigurinë e armëve, sipas të cilit arma nuk i drejtohet askujt dhe asgjëja, qoftë e mbushur apo jo. Episodi risolli në vëmendje edhe incidentin tragjik në xhirimet e filmit “Rust” ku aktori Alec Baldwin qëlloi për vdekje me pistoletë kineasten Alina Hutchins.