Trajtonte koronavirusin me zbardhues, ndërron jetë në Austri lideri i no vax

Ka ndërruar jetë si pasojë e koronavirusit një nga drejtuesit e lëvizjes no vax në Austri. Mediat vendase raportojnë se, Johann Biacsics ishte sëmurë me Covid dhe ishte trajtuar me klizma të bazuara në dioksid klori, i cili është përbërësi aktiv i zbardhuesit të rrobave.

Ky trajtim “alternativ” është i përhapur në mesin e no vax dhe u sugjerua gjithashtu nga presidenti i atëhershëm i SHBA, Donald Trump si një ilaç.

65-vjeçari megjithëse rezultonte pozitiv nga testi PCR, ishte i bindur se e kishte mposhtur sëmundjen dhe ishte kundër shtrimit në spital. Në shtëpi ai do t’i nënshtrohej më pas këtij trajtimi. Menjëherë më pas lideri i no vax vdiq. Megjithatë, familja e të ndjerit këmbëngul dhe shkruan në rrjetet sociale se edhe nëse vdekja “futet zyrtarisht në statistikat e viktimave nga Covid, ne e dimë të vërtetën”, përcjell a2cnn.

Ky nuk është rasti i parë i vdekjeve nga trajtimet e gabuara kundër Covid në Austri. Pak javë më parë, dy anëtarë të një familjeje vdiqën nga marrja e një helmi për krimbat e kalit.

Nga Covid vdiq edhe këngëtari i njohur austriak i muzikës popullore, Ludëig Lucky Ladstaetter, por jo nga trajtimet ‘alternative’. Në fillim të nëntorit ai ishte takuar me liderin e ultra të djathtës austriake që është no vax.