Të shtunën marshohet në Prizren, në mbështetje të Bosnies

Të shtunën më 15 janar, më fillim nga ora 13, do të protestohet përpara shtëpisë së Lidhjes së Prizrenit, në përkrahje të Bosnie e Hercegovinës.

Marshi mbështetës po bëhet në kuadër të krizës politike dhe prtoestave të shumta tash e disa ditë në Bosnie.

Marshi është ftuar nga Iniciativa NASA, e cila thotë se nisma e tyre po bëhet për të kundërshtuar ndarjen e Bosnies.

“Në momentet kur rishfaqen idetë për ndarjen e Bosnjë-Hercegovinës, ku glorifikohen kriminelët e dënuar të luftës dhe kërcënohen sërish armët dhe konfliktet, nuk mund dhe nuk guxojme të heshtim. NAŠA por fton të gjithë boshnjakët, por edhe njerëzit e tjerë, pa dallim përkatësie politike dhe dallime të tjera të mundshme, të bashkohen me ne marsh!” thuhet në njoftimin e Iniciativës transmeton indeksonline.

Bashkë me thirrjet për marsh, është thirrur edhe respektimi i masave anti-COVID.

Marshi i nisur nga shtëpia e Lidhjes së Prizrenit, do të drejtohet kah Shadërvani, ku përfaqësuesit e organizatorëve do t’u drejtohen qytetarëve të mbledhur.