Britania thotë se i ka ofruar Ukrainës mbi 4,000 sisteme kundërtanke
Mbretëria e Bashkuar i ka furnizuar forcat ukrainase me mbi 4,000 sisteme kundërtanke për t’i ndihmuar “në rezistencën e tyre kundër agresionit rus”, tha Ministria e Mbrojtjes.
Përmes rrjetit social Twitter, kjo ministri tha se pajisjet e dërguara ishin të tipit NLAW.
Ministria e Mbrojtjes po ashtu ka folur për atë që e ka përshkruar si “propagandë ruse”, që duket se i referohet imazheve të publikuara nga disa rusë që e kanë pyetur Sekretarin britanik të Mbrojtjes, Ben Wallace, lidhur me pretendimet e programit të armëve bërthamore për Ukrainën, dhe duke sugjeruar se Mbretëria e Bashkuar nuk kishte furnizime të mjaftueshme me sisteme kundërajrore, transmeton Radio Evropa e Lirë.
Por, Ministria e Mbrojtjes tha se “ka mjaftueshëm sisteme të armëve për të mbrojtur edhe sigurinë kombëtare të Mbretërisë së Bashkuar dhe për të mbajtur zotimet ndaj NATO-s”.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]