Pak buzëqeshje në mes të luftës, Spidermeni shkon për vizitë te fëmijët e Kharkivit

Në mes të luftimeve Rusi-Ukrainë, argëtimi i fëmijëve dhe lojërat janë lënë në harresë, pasi në kohë lufte e vetmja gjë që ka rëndësi është mbijetesa nga bombardimet dhe ushqimi.

Por këtë herë 3 figurat e preferuara të të vegjëlve, Batmani, Spidermani dhe lepurushi roz surprizuan fëmijët e Kharkiviti që ndodheshin në një stacion treni.

“Ne vendosëm t’i ndihmojmë fëmijët tanë me gjithçka që mundemi. Ne mund të sjellim gëzim dhe buzëqeshje dhe për këtë ne ndihmojmë”, tha artisti i veshur si Spiderman.

Çfarë ka ndodhur sot në Ukrainë?

Shefi i inteligjencës ushtarake në Ukrainë tha se Rusia mund po përpiqet ta ndajë Ukrainën në dysh, pasi presidenti rus Vladimir Putin e ka kuptuar se “ai nuk mund ta marrë të gjithë vendin” dhe ka të ngjarë të përpiqet të ndajë vendin sipas “skenarit korean”.

Presidenti ukrainas Volodymyr Zelenskyy i ka kërkuar sërish Perëndimit që t’i sigurojë Ukrainës avionë luftarakë dhe raketa të mbrojtjes ajrore;

Mbikëqyrja bërthamore e Ukrainës thotë se një objekt kërkimor bërthamor në Kharkiv është sulmuar sërish nga Rusia dhe luftimet e bëjnë të pamundur vlerësimin e dëmit;

Guvernatori i qytetit perëndimor të rajonit Lviv tha se një qytetar u arrestua, pasi dyshohet se ka spiunuar për dy sulmeve me raketa që tronditën qytetin të shtunën.

Zyrtarët në Portin e Odesës në Detin e Zi po përpiqen mbrojnë trashëgiminë kulturore, nga frika se mos përfundojnë si Mariupoli, transmeton abcnews.

Ambasada e Ukrainës në Ankara tha se një grup prej 159 jetimësh ukrainas kanë mbërritur në qytetin jugor turk të Antaloas. Djemë dhe vajza, të moshës katër deri në 18 vjeç, u evakuuan nga shtëpitë sociale në rajonin e Dnipro.

Leonid Pasechnik, kreu i Republikës së vetëshpallur Popullore të Luhanskut në Ukrainën lindore, ka thënë se rajoni i tij dëshiron të mbajë një votim për bashkimin me Rusinë.

Sekretari amerikan i Shtetit Antony Blinken thotë se SHBA nuk po përpiqet të rrëzojë presidentin rus Vladimir Putin, pavarësisht dënimeve të ashpra për pushtimin rus të Ukrainës.