Si pasojë e valës së të nxehtit dhe temperaturave të larta, në Londër shinat përfshihen nga zjarri

Shinat e trenit në një urë në Londër kanë marrë flakë, duke bërë që përkohësisht të ndalet qarkullimi i trenave – e sipas ekspertëve kjo po ndodh si pasojë e valës së të nxehtit dhe temperaturave të larta që po mbizotërojnë këtë vend.

Mediat britanike raportojnë se shkëndijat e para të zjarrit u panë në shinat e trenit në Battersea, në pjesën jugore të Londrës, transmeton Telegrafi.

Steve White, drejtori i përgjithshëm i hekurudhave, ka shpërndarë fotografinë e zjarrit në rrjetet sociale, ku shprehu falënderimet ndaj kompanisë së hekurudhave të Londrës dhe brigadës së zjarrfikësve.

“Faleminderit që keni reaguar shpejt për ta lokalizuar zjarrin dhe i mundësuat trenave të vazhdojnë rrugëtimin e tyre”, shtoi White.

E Network Rail Southeast shpërndau një fotografi tjetër të zjarrit – duke theksuar se të nxehtit do të “jetë sfidë e vërtetë gjatë kësaj jave”.

Network Rail është duke mbikëqyrur vazhdimisht disa lokacione, pasi temperaturat mbeten të larta edhe gjatë ditëve të ardhshme, e frika se mund të ndodhë sërish diçka e ngjashme i ka detyruar ata të jenë më vigjilent.

https://twitter.com/SteveWhiteRail/status/1546377940585291781?ref_src=twsrc%5Etfw%7Ctwcamp%5Etweetembed%7Ctwterm%5E1546377940585291781%7Ctwgr%5E%7Ctwcon%5Es1_c10&ref_url=https%3A%2F%2Ftelegrafi.com%2Fsi-pasoje-e-vales-se-te-nxehtit-dhe-temperaturave-te-larta-ne-londer-shinat-perfshihen-nga-zjarri%2F